कैलालीकी वर्षा खनालले पाइन् अमेरिकास्थित न्यु मेक्सिको विश्वविद्यालयबाट उत्कृष्ट जूनियर विद्यार्थी सम्मान
संयुक्त राज्य अमेरिकास्थित न्यु मेक्सिको विश्वविद्यालयको सिभिल इन्जिनियरिङ विभागले वर्षा खनाललाई उत्कृष्ट जूनियर विद्यार्थी सम्मान प्रदान गरेको छ।
यो सम्मान वसन्त २०२६ पुरस्कार समारोह तथा स्वागत कार्यक्रम मा सेंचेनियल इन्जिनियरिङ केन्द्र, नयाँ मेक्सिको विश्वविद्यालय मा २०२६ मे ०६ मा आयोजना गरिएको थियो। उक्त पुरस्कार इन्जिनियरिङ स्कूलकी प्रा. डा. डिन डोना राइली र सिभिल इन्जिनियरिङ विभागकी प्रमुख प्रा. डा. सुजन बोगस हल्टर को हातबाट प्रदान गरिएको हो।
वर्षा खनालले आफ्नो तेस्रो वर्षको अध्ययनक्रममा ४.३३ मध्ये ४.११ ग्रेड पोइन्ट एभरेज प्राप्त गर्दै आफ्नो विभागमा उत्कृष्ट विद्यार्थीको रूपमा यो सम्मान हासिल गर्न सफल भएकी हुन्। यो पुरस्कार उच्च शैक्षिक उपलब्धि, अनुसन्धानमा सक्रिय सहभागिता, अतिरिक्त क्रियाकलाप तथा समग्र संलग्नताको आधारमा प्रदान गरिन्छ।
वर्षा खनाल हाल नेपाली विद्यार्थी संघकी उपाध्यक्ष, सिभिल इन्जिनियरिङ विद्यार्थी समूहकी सचिव, तथा ठेकदार विद्यार्थी समूहकी सदस्य रहिरहेकी छन्।
यसका साथै, वर्षा खनालले अमेरिकाका विभिन्न प्रतिष्ठित संस्थाबाट धेरै छात्रवृत्ति प्राप्त गरिसकेकी छन्, जसले उनको उत्कृष्टता, नेतृत्व क्षमता तथा समर्पणलाई झल्काउँछ।
