चार वटा चोरी मुद्दामा फरार कैलालीका एक पुरुष पक्राउ
२०८२ मंसिर २०, ०८:२६
धनगढीः चार वटा चोरी मुद्दामा फरार कैलालीका एक पुरुष पक्राउ परेका छन्।
जिल्ला अदालत कैलालीको बिभिन्न मितिको फैसलाले डाँका चोरी मुद्दामा १ महिना कैद सजाय र १३ हजार जरिवाना, डाँका चोरी मुद्दामा ३ महिना कैद सजाय र १५ हजार जरिवाना, डाँका चोरी मुद्दामै ६ महिना कैद सजाय र ५ हजार ४ सय जरिवाना र सोही मुद्दामै १ वर्ष कैद सजाय र २० हजार जरिवाना तोकिएको कैलालीको भजनी नगरपालिका–८ बस्ने ३८ वर्षीय रामलाल चौधरी पक्राउ परेका हुन्। चौधरीलाई इलाका प्रहरी कार्यालय भजनी, कैलालीबाट खटिएको प्रहरी टोलीले शुक्रवार उनकै घरबाट पक्राउ गरेको जनाएको छ।
कमेन्ट लोड गर्नुस