कालमेगी आँधीले फिलिपिन्स र भियतनाममा १९३ जनाको मृत्यु

धनगढीः कालमेगी आँधीले हालसम्म फिलिपिन्स र भियतनाममा १९३ जनाको ज्यान लिएको छ। यसले फिलिपिन्समा कम्तीमा १८८ र भियतनाममा पाँचजनाको ज्यान लिएको छ।

बिहीबार मध्य भियतनाम हुँदै प्रतिघण्टा १४९ किलोमिटरको गतिमा आएको आँधी अब पश्चिमतर्फ कम्बोडिया र लाओसतिर सर्दैछ। रातभरि आएको आँधीबेहरीले प्रभावित भएपछि आज बिहान मध्य भियतनामको तटमा रहेका शहरहरू फोहोरले भरिएका थिए।

तीव्र हावाले रूखहरू उखेल्यो, छाना उडायो र ठूला झ्यालहरू फुटायो। क्षतिको सामना गर्न सेना परिचालन गरिएको छ।  विस्थापित हजारौं मानिसहरूले विद्यालय र अन्य सार्वजनिक भवनहरूमा आश्रय लिइरहेका छन्।