बैतडीमा सवारी दुर्घटना, तीन जना गम्भीर घाइते
२०८२ असोज १५, ०३:५४
बैतडीः बैतडीमा भ्यान दुर्घटना हुँदा तीन जना गम्भीर घाइते भएका छन् । खोल्सीबाट पाटन बजारतर्फ आइरहेको सुप प्र ०१ ००१ च ४१२८ भ्यान पाटन–६ गाङको मोडमा बुधवार बिहान दुर्घटना भएको हो ।
दुर्घटनामा भ्यान चालक पाटन नगरपालिका–४ का मानध्वज भट्ट, सोही वडाका रमेश भट्ट र जयराम भट्ट गम्भीर घाइते भएका बैतडीका प्रहरी प्रवक्ता बलराम पाण्डेयले जानकारी दिए ।
दुर्घटानमा घाइते तीनै जनालाई उपचारका लागि डडेल्धुरा अस्पताल पठाइएको छ।
कमेन्ट लोड गर्नुस