संविधान दिवसको अवसरमा आरम्भका विद्यार्थीहरुद्धारा दीप प्रज्वलन

धनगढी: संविधान दिवस २०८२ को अवसरमा आज धनगढीको पार्क मोडमा विशेष कार्यक्रमको आयोजना गर्दै आरम्भ कानूनी शिक्षा केन्द्र, धनगढीका कानूनका विद्यार्थीहरूले दीप प्रज्वलन गरेका छन्।

कार्यक्रममार्फत संविधानको सम्मान र कानूनी सचेतनाको सन्देश फैलाउने उद्देश्य राखिएको थियो। सहभागीहरूले राष्ट्रिय एकता, समानता र लोकतन्त्रको संरक्षणमा संविधानको भूमिका महत्वपूर्ण रहेको भन्दै दीप बालेर संविधान दिवसलाई स्मरण गरेका थिए।

आरम्भ कानूनी शिक्षा केन्द्रका विद्यार्थीहरूले आगामी दिनहरूमा पनि यस्ता सचेतना मूलक कार्यक्रमहरू गर्दै जाने जनाएका छन्।