भदौ १८ गतेदेखि डडुल्धुरामा राष्ट्रिय भलिबल प्रतियोगिता हुँदै
डडेल्धुराः डडेल्धुराको अजयमेरु गाउँपालिकाले अजयमेरु कोटलाई राष्ट्रिय स्तरमा पहिचान दिलाउन र पर्यटन प्रवद्र्धन गर्ने उद्देश्यले भदौ १८ गतेदेखि २२ गते सम्म राष्ट्रिय स्तरको भलिबल प्रतियोगिता तथा महोत्सव आयोजना गर्ने भएको छ।
महोत्सलाई धार्मिक, सांस्कृतिक र खेलकुदसँग जोडेर व्यापक रूपमा सञ्चालन गर्ने तयारी गरेको गाउँपालिकाले जनाएको छ।
महोत्सवले अजयमेरु क्षेत्र ऐतिहासिक, धार्मिक र प्राकृतिक सम्पदाले सम्पन्न रहेकाले यसको प्रचार–प्रसार गरी यसलाई बाहृय तथा आन्तरिक पर्यटकको आकर्षण स्थल बनाउने मुख्य उद्देश्य रहेको गाउापालिकाले जनाएको छ।
महोत्सव अन्तर्गत राष्ट्रिय स्तरको पुरुष भलिबल प्रतियोगिता सञ्चालन हुनेछ। प्रतियोगितामा प्रथम हुने टीमले ७७ हजार ७ सय ७७ रुपैयाँ, द्वितीयले ३३ हजार ३ सय ३३ रुपैयाँ र तृतीयले १५ हजार ५ सय ५५ रुपैयाँ प्राप्त गर्नेछन् ।
गाउँपालिकाले खेलाडी र टिम चयनका लागि आधिकारिक पत्रसहित सम्बन्धित वडाबाट दर्ता अनिवार्य गर्नुपर्ने जनाएको छ। त्यसैगरी, महोत्सवमा कृषि उपजको प्रदर्शनी, पशुपालनसम्बन्धी कार्यक्रम, स्थानीय कला–संस्कृति झल्काउने प्रस्तुति, तथा विभिन्न क्षेत्रमा सक्रिय कलाकारहरूको प्रदर्शनसमेत हुने जनाएको छ।
