भारतबाट अवैध कुखुरा ओसारपसार गर्ने दुई जना कैलालीमा पक्राउ
कैलाली प्रहरीले भारतबाट अवैध रुपमा वोईलर कुखुरा ओसारपसार गर्ने दुईजनालाई पक्राउ गरेको छ। जिल्ला प्रहरी कार्यालयबाट खटिएको प्रहरी टोलीले धनगढी उपमहानगरपालिका वडा नम्बर ७ बाट अवैध कुखुरा ओसारपसार गर्ने दुईजनालाई पक्राउ गरिएको जनाएको छ।
जिल्ला प्रहरी कार्यालयका प्रहरी नायब उपरिक्षक दक्ष कुमार बस्नेतले भारतबाट अवैध कुखुरा ओसारपसार गर्ने धनगढी ९बस्ने राजेन्द्र साहु र बाजुराको त्रिवेणी नगरपालिका वडा नम्बर ३ स्थायी बसोबास भई धनगढी बस्दै आएका ईश्वर भण्डारीलाई पक्राउ गरिएको जानकारी दिए।
उनीले से १ प ५३१४ र से २ प १६३६ नम्बरको मोटरटईकलमा भारतवाट एक सय ६५ किलो बराबरको अवैध कुखुरा सहित नियन्त्रणमा लिईएको बस्नेतले बताए। बरामद कुखुरा पशु क्वारेन्टाईन, कुखुरा व्यवसायी संघ र स्थानियको रहोबरमा नष्ट गरिएको र ओसारपसारमा संलग्न दुवै जना विरुद्ध सार्वजनिक हित समेतको कसुरमा मुद्दा दर्ता गरी अनुसन्धान भईरहेको प्रहरीले जनाएको छ।
