भारत र नेपालका सुरक्षा अधिकारीबिच सीमा समन्वयात्मक बैठक सम्पन्न

२०८२ भदौ १०, ०३:२७

दार्चुलाः नेपाल र भारतका सुरक्षा अधिकारीबिच खलङ्गामा सोमवार सीमा समन्वयात्मक बैठक सम्पन्न भएको छ। सशस्त्र प्रहरी बल, नेपाल नम्बर ७ वैद्यनाथ वाहिनी मुख्यालय कैलालीको आयोजनामा भारतीय सशस्त्र सीमा बल र सशस्त्र प्रहरी बल नेपालका डिआइजी स्तरीय सीमा समन्वयात्मक बैठक (काउन्टर पार्ट कोर्डिनेशन मिटिङ) सम्पन्न भएको सशस्त्र प्रहरी बल नेपाल नम्बर ४४ गण हेडक्वाटर दार्चुलाका गणपति देवराज जोशीले जानकारी दिए ।

बैठकमा दुवै पक्षले आआफ्नो जिम्मेवारी, क्षेत्रभित्रको विद्यमान सुरक्षा परिस्थिति र सम्भावित खतराबारे समीक्षा गरिएको उनले बताए । सीमा क्षेत्रमा हुने विभिन्न किसिमका अवैध गतिविधि, चोरी तस्करी, लागूऔषध ओसारपसार, मानव बेचबिखन र अन्य आपराधिक गतिविधिहरू दुवै देशका सुरक्षाकर्मी मिलेर नियन्त्रण गर्ने सहमति भएको उनले बताए।

बैठकमा सीमा क्षेत्रका सम्भावित आपराधिक गतिविधिहरूको बारेमा विभिन्न तहमा सूचना आदानप्रदानलाई प्रभावकारी बनाउने, क्षतिग्रस्त वा हराएका सीमा स्तम्भको अभिलेख अद्यावधिक गरी मर्मत सम्भार, संरक्षण र पुनःस्थापना अघि बढाउन सम्बन्धित कार्यालयमा प्रतिवेदन गर्ने, सीमा क्षेत्रका नागरिकको आवागमनलाई सहज र सौहार्द बनाउन प्रयत्न गर्ने सहमति भएको जनाइएको छ।

बैठकमा सशस्त्र प्रहरी बल नेपाल नम्बर ७ वैद्यनाथ वाहिनी मुख्यालयका कैलालीका वाहिनीपति प्रदीपकुमार पाल, कैलाली, कञ्चनपुर, दार्चुलाका गणपति, बैतडी, डडेल्धुरा र दार्चुलाको छाङ्रुका गुल्मपति र भारत अल्मोडाका डीआइजी सुधाम्सु नौटियाल र पिलिभितका डीआइजी अनिलकुमार शर्मालगायत १० जनाको उपस्थिति रहेको थियो ।

कमेन्ट लोड गर्नुस

समाचार

सुदूरपश्चिम प्रदेश

विशेष

भारत र नेपालका सुरक्षा अधिकारीबिच सीमा समन्वयात्मक बैठक सम्पन्न

खुटिया नदीमा वेपत्ता भएका बझाङका १७ वर्षीय किशोर मृत फेला

डडेल्धुराको खानेपानी कार्यालयमै कर्मचारीबीच हानाहान, इन्जिनियर र लेखापाल घाइते

निसर्ग इन्डो–नेपाल जुगेडा कप २० गतेदेखि, विजेतालाई दुई लाख

१५ सुत्केरी आमालाई पोषिलो घरको निःशुल्क ‘सुत्केरी मसाला’

धनगढीमा २४ असाेजदेखि शनिबारीय महिला उद्यम बजार सञ्चालन हुने

करदाता प्रोत्साहन उपहार घोषणा, पर्साका लालबाबु साह कानुलाई १० लाखको बम्पर