कैलालीमा ट्रालीभित्र लुकाएर राखिएको अवैध सालको काठ बरामद
२०८२ जेठ ३, ०१:३९
धनगढीः कैलालीको गौरीगंगा नगरपालिका–६ कठौतीस्थित पूर्व–पश्चिम राजमार्गमा अबैध साल जातको काठ बरामद गरिएको छ।
प्रहरीका अनुसार शुक्रवार दिउँसो साढे १२ बजे से १ त ९५१७ नम्बरको ट्याक्टरको ट्रालीको चक्का निस्किएर बिग्रिएपछि सडकको दायाँ साइडमा रोकिएको अवस्थामा ट्रालीभित्र बालुवामा लुकाएर राखिएको साल जातको काठ फेला परेको हो।
इलाका प्रहरी कार्यालय चौमलाबाट खटिएको प्रहरी टोलीले ट्रालीभित्र लुकाइछिपाई राखिएको ६ थान गोलिया साल काठ (जम्मा ४९.०५ क्युफिट) अनुमानित मूल्य करिब ४९ हजार बराबरको काठ बरामद गरेको हो। बरामद गरिएको काठ र ट्रालीलाई आवश्यक कानुनी प्रक्रिया अनुसार सब डिभिजन वन कार्यालय चौमालामा बुझाइएको प्रहरीले जनाएको छ।
कमेन्ट लोड गर्नुस