बसको ठक्करबाट कैलालीको राजीपुरमा महिलाको मृत्यु भएपछि राजमार्ग अवरुद्ध
कैलालीको राजीपुरमा बसको ठक्करबाट एक महिलाको मृत्यु भएपछि सडक अपरुद्ध पारिएको छ। पूर्व–पश्चिम राजमार्गको राजीपुर खण्डमा सडक अवरुद्ध पारिएको हो। गौरीगंगा नगरपालिका वडा नम्वर ४ राजिपुर चौकमा माईक्रोबसको ठक्करबाट सोही ठाउँकी ५० बर्षीया गौरी नेपालीको मृत्यु भएको थियो। नेपालीको मृत्यु पछि स्थानीयले सडक अवरुद्द पारेका हुन्। धनगढीबाट नेपालगञ्ज गईरहेको बा ५ ख ४०३१ नम्वरको माईक्रोबसले उनलाई ठक्कर दिएपछि घटनास्थलमै मृत्यु भएको हो। उनको टाउको र शरिर नै अलग भएको छ। माईक्रोवस र चालक राजु गिरी भने प्रहरीको नियन्त्रणमा रहेको ईलाका प्रहरी कार्यालय चौमलाले जनाएको छ। अहिले प्रहरी, स्थानीय र बस सञ्चालककोे वार्ता भइरहेको प्रहरीले जनाएको छ।