बुवा–छोरीको एकै चिहानमा गरियो अन्तेष्टी

धनगढीः दार्चुलाको महाकाली नगरपालिका–६ निसिलका मोहन बोहरा र उनकी छोरी निर्मला बोहराको एकै चिहानमा अन्तेष्टी गरिएको छ।

जिल्लाको महाकाली नगरपालिका –६ निसिल स्थायी घर भएका बोहरा त्रिवेणी भन्सार कार्यालय, नवलपरासीमा कार्यरत थिए। यहिँ फागुन १३ गते बोहराको हृदयघातका कारण मृत्यु भएको थियो भने १५ गते उनकै छोरी निर्मला बोहराको कञ्चनपुरमा सवारी दुर्घटनामा परेर ज्यान गएको थियो। निर्मला र उनका भाई पढाइको सिलसिलामा महेन्द्रनगरमा कोठाभाडामा लिइ बस्दै आएका थिए।

निर्मला बुबाको अन्तिम अनुहार हेरेर कञ्चनपुरबाट फर्किंदै थिइन। बिहिवार बिहान पूर्वपश्चिम राजमार्गअन्तरगत शुक्लाफाँटा नगरपालिका–५ को वन समितिमा बा ०१–००६ ख ३५३७ नम्बरको ट्रकले उनी सवार म १ प ४६५८ नम्बरको मोटरसाइकललाई ठक्कर दिँदा निर्मलाको घटनास्थलमै मृत्यु भएको थियो। बुवा र छोरी दुवैको पार्थिव शरीर कञ्चनपुरमा एउटै चिहानमा अन्त्येष्टि गरिएको मृत्तक बोहराका आफन्त नविन धामीले बताए।