सुदूर नेपाललाई विश्वसँग जोड्दै

सुदूरपश्चिमबाट अख्तियारमा सात महिनामा ६६७ उजुरी दर्ता

२०८१ माघ २८, ०६:४१ कमल सावद

धनगढी : चालु आर्थिक वर्ष २०८१/०८२ को श्रावण महिनामा अख्तियार दुरुपयोग अनुसन्धान आयोग, महेन्द्रनगरमा ११४ उजुरी दर्ता भए।

अख्तियारको तथ्याङ्क अनुसार ३८ उजुरी हुलाक, ३६ उजुरी इमेल, २३ उजुरी लिखित र १४ उजुरी फोनमार्फत दर्ता भएका हुन्। भदौ महिनामा ८३ उजुरी दर्ता भएका छन्। भदौमा दर्ता भएका उजुरीहरूमा २८ इमेल, २२ हुलाक, २० टेलिफोन र ११ वटा लिखित दर्ता भएका हुन्। असोजमा ५१ उजुरी दर्ता भए। २० लिखित, १७ हुलाक, १२ इमेल र २ वटा उजुरी टेलिफोनमार्फत दर्ता भएका हुन। कात्तिक महिनामा ५९, मङ्सिरमा ४६, पौषमा ८१ र माघ २७ गतेसम्म ६३ उजुरी दर्ता भएका छन। अख्तियार दुरुपयोग अनुसन्धान आयोग, महेन्द्रनगरका सूचना अधिकारी चेतराज भट्टले चालु आर्थिक वर्षमा ५६ प्रतिशत उजुरी फर्छ्यौट भएका बताए।

अख्तियार दुरुपयोग अनुसन्धान आयोग, महेन्द्रनगरको तथ्याङ्क अनुसार चालु आर्थिक वर्षमा ६६७ नयाँ उजुरी दर्ता भएका छन्। गत आर्थिक वर्ष २०८०÷०८१ बाट जिम्मेवारी सरेका ४९८ मा ६६७ नयाँ उजुरी थप भएका हुन। चालु आर्थिक वर्षको हालसम्म एक हजार एक सय ६५ उजुरी अख्तियारमा दर्ता भएका छन्। २०८१ माघ २७ गतेसम्म ६५४ उजुरी फर्छ्यौट भएका छन्। हाल ५११ उजुरी फर्छ्यौट हुन बाँकी रहेका छन। चालु आर्थिक वर्षको हालसम्म ५६ प्रतिशत उजुरी फच्र्यौट भएका हुन।

सुदूरपश्चिम प्रदेशका नौ वटा जिल्लाहरूमा भएका भ्रष्टाचारका उजुरीहरू अख्तियार महेन्द्रनगरको कार्यालयमा दर्ता हुने गरेका छन्। अख्तियारले उजुरीको प्रकृतिका आधारमा छानबिन गर्दै आएको छ। अख्तियारले प्रमाणहरू तयार पारेर विशेष अदालतमा मुद्दा दर्ता गर्दै आएको छ। सुदूरपश्चिम प्रदेशमा स्थानीय तहहरूको बजेट तथा कार्यक्रम र सुदूरपश्चिम प्रदेश सरकारको बजेट तथा कार्यक्रममा आर्थिक हिनामिना भएको भन्दै उजुरी पर्दै आएका छन्।

सुदूरपश्चिम प्रदेशमा असार तथा श्रावण महिनामा बढी उजुरी अख्तियारमा दर्ता हुने गरेका छन्।

 

कमल सावद, दिनेश खबरका संवाददाता हुन्। उनी अर्थतन्त्र,पुर्वाधार र विकासमा केन्द्रित कलम चलाउछन्।

कमेन्ट लोड गर्नुस