सुदूरपश्चिम यातायातका महासचिवलाई हातपात गर्नेलाई कारबाहीको माग

कैलालीका यातायात व्यवसायीहरुले सुदूरपश्चिम यातायात प्रा.लिका महासचिव सुरेन्द्र बोहरालाई हातपात गर्नेलाई कारवाहीको माग गरेका छन्। कैलाली यातायात व्यवसायी उप–समितिले एक विज्ञप्ती जारी गर्दै मालिका यातायात प्रा.लिका पदाधिकारी र कर्मचारीले बोहरालाई हातपात गरेको आरोप लगाउदै कारवाहीको  माग गरेका हुन्। कैलाली यातायात व्यवसायी  उप–समितिका सदस्य समेत रहेका बोहरालाई गत असार ९ गते मालिका यातायात प्रालिका अध्यक्ष, उपाध्यक्ष घनश्याम कटेल र कर्मचारीहरुले कुटपिट गरि कानमा चोट लागेको विज्ञप्तीमा उल्लेख गरिएको छ। असार १८ गते सम्म उनीहरुलाई कारबाही नभए बाध्य भएर सार्वजनिक सवारी पूर्ण रुपमा रोक्ने विज्ञप्तीमा भनिएको छ।