डडेल्धुराको परशुराममा सुरु भयो ‘मेयर फोरम’

डडेल्धुराः डडेल्धुरामा ‘प्रथम सुदूरपश्चिम मेयर फोरम २०८१’ सुरु भएको छ। जिल्लाको परशुराम नगरपालिकाको आयोजनामा परशुराम धाममा दुई दिने मेयर फोरम सुरु भएको हो।

मेयर फोरमको सुदूरपश्चिम प्रदेशका आर्थिक मामिलामन्त्री बहादुरसिंह थापाले सोमबार उद्धघाटन गरेका छन्। मेयर फोरममा प्रदेशका नगर तथा गाउँपालिकाका अध्यक्षहरूको सहभागिता छ। सुदूरपश्चिम प्रदेशका अवसर र चुनौतीको विषयमा छलफल सञ्चालनका लागि मेयर फोरमको आयोजना गरिएको परशुराम नगरपालिकाका मेयर भरत बडायर जोशीले बताए।