कञ्चनपुरमा चरेशसहित दुई जना पक्राउ
२०८१ पुष ५, ०८:३१
कञ्चनपुरः कञ्चनपुरमा चरेशसहित दुई जना पक्राउ परेका छन्। जिल्लाको भीमदत्त नगरपालिका–६ ऐठपुर नवदुर्गा मार्गमा बस्ने ७२ वर्षीय प्रमानन्द भट्ट र भीमदत्त नगरपालिका–४ बस्ने १८ वर्षीय किशोर पक्राउ परेका हुन्।
भट्टको घर–कोठाबाट लुकाई छिपाई राखेको अवस्थामा १ किलो ४७० ग्राम चरेश फेला पारी जिल्ला प्रहरी कार्यालय कञ्चनपुर र वडा प्रहरी कार्यालय महेन्द्रनगरबाट खटिएको प्रहरी टोलीले नियन्त्रणमा लिएको बताएको छ। दुबै जनालाई नियन्त्रणमा लिई थप अनुसन्धान भईरहेको जिल्ला प्रहरी कार्यालय कञ्चनपुरले जनाएको छ।
कमेन्ट लोड गर्नुस