कैलालीमा भन्सार छलीका मल लगाएतका सामान बरामद

धनगढीः कैलालीमा भन्सार छलीका मल लगाएतका सामान बरामद गरिएको छ।

जिल्लाको धनगढी–२ ट्राफिक चौराहा, आदर्श चोक, धनगढी–४ बसपार्क, संचयकोष कार्यालय नजिक, धनगढी–७ मनेहरा, धनगढी–१२ मनेहरा पोष्ट नजिक, भजनी–६ नवलपुर, गौरीगंगा–११ शिबपुर र जोशीपुर–३ लक्कडबाट अबैंध रुपमा भारतबाट भन्सार छली गरि ल्याएका अन्दाजी मूल्य ४ लाख १५० बराबरको सामान बरामद गरिएको हो।

प्याज, चिनी, गुड, बिडी, सुर्ती, नरिवल, नमकिन, दाल, आलु, खुर्सानी, उनि सर्ट, स्कुल ब्याग, ज्याकेट, मल, कस्मेटिक, किराना लगायतका सामानहरु जिल्ला प्रहरी कार्यालय कैलालीबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको हो।