कञ्चनपुरको महेन्द्रनगरबाट खैरो हेरोइनसहित २ जना भारतीय पक्राउ
२०८१ मंसिर ३०, ०७:४०
कञ्चनपुरः कञ्चनपुरको महेन्द्रनगर बजारबाट खैरो हेरोइनसहित २ जना भारतीय नागरीक पक्राउ परेका छन्।
कञ्चनपुरको भीमदत्त नगरपालिका ४ महेन्द्रनगर बजारको सब्जी मन्डी जाने रोडमा युपी ०६ बिडी ८८०२ नम्बरको भारतीय नम्बर प्लेटको मोटरसाईकललाई चेकजाँच गर्दा भारत उत्तराखण्ड जिल्ला उधमसिंहनगर खटिमा बस्ने २७ वर्षीय सलमान शाह र २४ वर्षीय प्रभजोत सिंह खिंडा पक्राउ परेका हुन्।
११ दश्मलव ८३ ग्राम लागूऔषध (खैरो हेरोइन)सहित उनीहरुले प्रयोग गरेको मोटरसाइकल र दुवैजनालाइ जिल्ला प्रहरी कार्यालय कञ्चनपुर र लागूऔषध नियन्त्रण ब्युरो शाखा महेन्द्रनगरबाट संयुक्त रुपमा खटिएको प्रहरी टोलीले शनिवार नियन्त्रणमा लिएको हो।
कमेन्ट लोड गर्नुस