धनगढीका मेयर अस्वस्थ, थप उपचारका लागि दिल्ली लगियो

धनगढीः धनगढी उपमहानगरपालिकाका मेयर गोपाल हमाललाई मस्तिष्क घातको समस्या देखिएको छ। यस्तो समस्या देखा परेपछि मेयर हमाललाई शुक्रवार राति नै अस्पताल भर्ना गरिएको थियो।

माया मेट्रो अस्पताल धनगढीमा उनको उपचार सम्भव नभएपछि थप उपचारका लागि भारतको दिल्ली लगिएको पारिवारिक स्रोतले बताएको छ। यद्यपि मेयर हमालको अवस्था खतरामुक्त रहेको उपचारमा संलग्न चिकित्सकले बताएका छन्।