लम्कीमा स्कुल बसको ठक्करबाट एक जना गम्भीर घाइते
२०८१ मंसिर १९, ०५:५८
धनगढीः कैलालीमा स्कुल बसको ठक्करबाट दुई जना घाइते भएका छन्।
जिल्लाको लम्कीचुहा नगरपालिका–१० भित्री सडक खण्डमा घोडाघोडी नगरपालिका–२ का ४० वर्षीय भागीरामा चौधरीले चलाएको सनराइज स्कुलको मप ०३००१ क २९४१ नम्बरको बसको ठक्करबाट दुई जना घाइते भएका छन्।
बसले विपरीत दिशाबाट आइरहेको से ३ प ४७९४ नम्बरको मोटरसाइकललाई ठक्कर दिँदा दुर्घटना भएको जिल्ला प्रहरी कार्यालय कैलालीका सूचना अधिकारी डीएसपी कबिन्द्रसिँ बोहराले बताए। बसको ठक्करबाट घाइते भएका एकको अवस्था गम्भीर रहेको सूचना अधिकारी बोहराले बताए।
घाइतेहरुको परिचय भने खुलेको छैन्। उनीहरुको टीकापुर अस्पतालमा उपचार भइरहेको छ। बसका चालक भने फरार रहेका छन्। बस प्रहरीको नियन्त्रणमा छ।
कमेन्ट लोड गर्नुस