कैलालीमा ६ ग्राम खैरो हेरोइनसहित ४ जना युवक पक्राउ
धनगढीः कैलालीमा ६ ग्राम खैरो हेरोइनसहित ४ जना युवक पक्राउ परेका छन्।
इलाका प्रहरी कार्यालय टीकापुर र प्रहरी चौकी कालाकुण्डाबाट खटिएको संयुक्त प्रहरी टोलीले चार जना युवकलाई खैरो हेरोइनसहित पक्राउ गरेको हो। टीकापुर नगरपालिका–९ खक्रौलाबाट टीकापुर–१ का २१ वर्षीय बिशाल शाही ४ ग्राम ६१० मिलिग्राम खैरो हेरोइनसहित पक्राउ परेका छन्।
उनलाई इलाका प्रहरी कार्यालय टीकापुरमा राखेर थप अनुसन्धान भइरहेको छ। यस्तै इलाका प्रहरी कार्यालय मालाखेती र लागुऔषध नियन्त्रण ब्युरो शाखा कार्यालय धनगढीबाट संयुक्त रुपमा खटिएको प्रहरी टोलीले गोदावरी नगरपालिका–५ गेटाबाट घनगढी उपमहामगरपालिका–१३ का २३ वर्षीय प्रबिन रानालाई १ ग्राम ३१० मिलिग्राम खैरो हेरोइनसहित पक्राउ परेका छन्।
यस्तै लम्की–चुहा नगरपालिका–४ बलियाबाट लागुऔषध कारोबार भइरहेको सूचनाको आधारमा इलाका प्रहरी कार्यालय लम्कीबाट खटिएको प्रहरी टोलीले सोही स्थानका २० वर्षीय खेमराज जैशी र २२ वर्षीय धिरज चौधरीलाई ८० वटा ट्रमाडोल, २० वटा स्पास, र १६ वटा ट्याबलेट अभिलसहित दुवै जनालाई पक्राउ गरेर इलाका प्रहरी कार्यालय लम्कीमा राखेर अनुसन्धान भइरहेको प्रहरीले बताएको छ।
