डडेल्धुरा जिप दुर्घटनाः घाइते भएका धामीको मृत्यु

डडेल्धुराः डडेल्धुरामा जिप दुर्घटनामा परेर घाइते भएका एक जनाको मृत्यु भएको छ।

जिल्लाको परशुराम नगरपालिका–११ सल्लेताका अन्दाजी ३० वर्षीय डम्मर धामीको मृत्यु भएको प्रहरी निरीक्षक डम्बर विष्टले बताए। यहि मंसिर ४ गते परशुराम नगरपालिका–९ स्थित दैजी–जोगबुढा सडकखण्डको लिप्नामा लु १ ज ४५७९ नम्बरको जिप दुर्घटना भएको थियो।

उक्त दुर्घटनामा ९ जना घाइते भएका थिए भने दुई जनाको घटनास्थलमै मृत्यु भएको थियो। सोहि दुर्घटनामा परी गम्भीर घाइते भएका धामीको आज उपचारका क्रममा धनगढीमा मृत्यु भएको हो।