कांग्रेस सभापति देउवा आज बडाल जाँतमा सहभागी हुँदै

डडेल्धुराः पूर्व प्रधानमन्त्री एवं नेपाली कांग्रेस सभापति शेरबहादुर देउवा आज बडाल जाँतमा सहभागी हुँदै छन्। बडालमा लाटा गन्याप देवताको पूजाआजा जाँत (मेला), दाइन दमाहा, भोकर, रुईसिँग बाजाको धुनमा हातमा नाङ्गो तलवार खेलाउँदै खेलिने छाला (नाच) चौलोले प्रसिद्ध छ।

बुधबार कात्तिक २८ गते कांग्रेस डडेलधुरा कार्यसमितिको बैठक, २९ गते भेटघाट, ३० गते जन्मथलो गन्यापधुरा गाउँपालिका–१ रुवाखोलामा र मङ्सिर १ गते उग्रतारा मेला (देहिजाँत) जाने कार्यक्रम तय भएको छ। उनले सोमवार परशुराम धामको दर्शन गरेका थिए। देउवा मङ्सिर २ गते सङ्घीय राजधानी काठमाडौँ फर्किने कार्यक्रम छ।