कञ्चनपुरमा लागुऔषधसहित ३ युवती र २ युवक पक्राउ

कञ्चनपुरः कञ्चनपुरमा लागुऔषधसहित ३ युवती र २ युवक पक्राउ परेका छन्।

जिल्लाको भीमदत्त नगरपालिका–१८ कटानबाट लागूऔषधसहित तीन युवती र दुई युवक पक्राउ परेका हुन्। भीमदत्त नगरपालिका–१८ का ३१ वर्षीय घनश्याम उराउ र रबिन गिरी लागुऔषधसहित पक्राउ परेका छन्। यस्तै भीमदत्त नगरपालिका–१९ की लक्ष्मी राना, सुनिता राना र मनिशा राना पनि लागुऔषधसहित पक्राउ परेका छन्।

जिल्ला प्रहरी कार्यालय कञ्चनपुरबाट खटिएको प्रहरी टोलीले पाँचै जनालाई १ दशमलव ३४ ग्राम लागुऔषधसहित नियन्त्रणमा लिएको हो। नियन्त्रणमा लिएका तीन युवती र दुई युवकमाथि प्रहरीले थप अनुसन्धान गरिहेको छ। पछिल्लो समय कञ्चनपुरमा युवकसँगै लागुऔषधमा संलग्न युवतीको संख्या पनि बढ्दै गएको पाइएको छ।