अज्ञात व्यक्तिद्वारा एक शिक्षकमाथि गोली प्रहार
२०८१ कार्तिक २५, ०५:३१
रौतहटः रौतहटमा एक शिक्षकमाथि गोलि प्रहार गरिएको छ। जिल्लाको चन्द्रपुर नगरपालिका–१ स्थित मकवानपुरको सीमामा गोली चलेको हो।
अज्ञात समूहले चलाएको गोली लागेर मकवानपुरको हात्ती सुने माध्यमिक विद्यालयका प्रधानाध्यापक प्रेम लामा घाइते भएका छन्। अज्ञात समूहले प्रधानाध्यापक लामामाथि गोली प्रहार गरेका थिए।
दाहिने गालामा गोली लागेका लामालाई उपचारका लागि वीरगंज पठाएको प्रहरी चौकी पौराहीका प्रहरी सहायक निरीक्षक कुन्दन सिंहले बताए। घटनाका बारेमा प्रहरीले थप अनुसन्धान अगाडि बढाएको छ।
कमेन्ट लोड गर्नुस