कालीकोटमा जिप दुर्घटना हुँदा ६ जनाको मृत्यु, १३ जना घाइते

धनगढीः कालीकोटमा जिप दुर्घटना हुँदा ६ जनाको घटनास्थलमै मृत्यु भएको छ।

जिल्लाको पलाँता गाउँपालिका–७ को राडुनेटा भन्ने ठाउँमा जिप दुर्घटना भएको जिल्ला प्रहरी कार्यालय कालिकोटका प्रहरी प्रमुख डीएसपी टेकबहादुर  रावतले बताए। गाडीमा २० जना सवार थिए। १३ जना घाइते भएका छन्।

तिहार विदा मनाएर फर्किनेहरु दुर्घटनामा परेको हुन्। जीप सडकबाट करिब ३०० मिटर तल खसेको बताइएको छ। मृतकको पहिचान खुल्न सकेको छैन्। घटनाबारे थप अनुसन्धान भइरहेको प्रहरी प्रमुख रावतले बताए।