धनगढीमा होटेलको भान्सा कोठामा आगलागी हुँदा साढे ४ लाखको क्षति

धनगढीः कैलालीको धनगढीस्थित एक होटलको भान्सा कोठामा आगलागी हुँदा साढे ४ लाख बराबरको क्षति भएको छ।

धनगढी उपमहानगरपालिका–४ चटकपुरमा रहेको बझाङको बुंगल नगरपालिका–३ का नरेशबहादुर बोहराले सञ्चालन गरेको न्यु प्रत्युस मिनि खप्तड होटलको भान्सा कोठामा शनिबार राति आगलागी भएको हो। आगलागीबाट ४ लाख ५० हजार मुल्य बराबरको धनमाल जलेर नष्ट भएको अनुमान गरिएको छ। स्थानीय, प्रहरी र दमकलको सहयोगमा आगो नियन्त्रणमा ल्याउने काम भएको जिल्ला प्रहरी कार्यालय कैलालीले जनाएको छ।