बैतडीको पाटन भ्याली क्रिकेट क्लबले उदयदेव प्रिमियर लिग–२ आयोजना गर्ने 

बैतडीः बैतडीको पाटन भ्याली क्रिकेट क्लबले दोश्रो संस्करणको उदयदेव प्रिमियर लिग आयोजना गर्ने भएको छ। क्लबको आज बसेको बैठकले दोश्रो संस्करणको उदयदेव प्रिमियर लिग आयोजनाको लागि आन्तरिक तयारी गर्ने निर्णय गरेको हो।

गत वर्ष नगरस्तरीय प्रतियोगिताको आयोजना गरेको पाटन भ्याली क्रिकेट क्लबले यस वर्ष जिल्लास्तरीय वा क्लबस्तरीय गर्ने भन्ने विषयमा आगामी बैठकबाट छलफलगरी टुंगोमा पुर्‍याइने क्लबका सचिव सन्तोश जोशीले बताए।

आजको बैठकबाट उदयदेव प्रिमियर लिगको लोगो पनि अनावरण गरिएको छ। विगतका वर्षहरुभन्दा यसवर्ष थप परिस्कृत गर्दै प्रतियोगिताको आयोजना गरिने क्लबले जनाएको छ। कृष्ण माविको खेलमैदानमा प्रतियोगिता आयोजना हुने छ।