कैलालीमा लागुऔषधसहित मेडिकल सञ्चालक पक्राउ
२०८१ कार्तिक २०, ०६:१९
धनगढीः कैलालीमा लागुऔषधसहित एक जना औषधि पसल सञ्चालक पक्राउ परेका छन्। जिल्लाको जोशीपुर गाउँपालिका–५ घर भई वडा नम्बर ७ को रघुनाथ बहुमुखी क्याम्पस नजिकै प्रतिभा हेल्थ क्लिनिक सञ्चालन गर्दै आएका ४० वर्षीय रामकृष्ण चौधरी लागुऔषधसहित पक्राउ परेका हुन्।
चौधरीको मेडिकलबाट लागुऔषधको रूपमा प्रयोग गरिने पाँच सय स्पास्म ट्याब्लेट र एक हजार ट्याबलेट त्रिगाभा म्यूरिन बरामद गरिएको जिल्ला प्रहरी कार्यालय कैलालीका प्रवक्ता कविन्द्रसिंह बोहराले बताए। चौधरीलाई नियन्त्रणमा लिएर थप अनुसन्धान भइरहेको उनले बताए।
कमेन्ट लोड गर्नुस