धनगढीमा मोटरसाइकललाई ठक्कर दिएर एक जना फरार

धनगढीः कैलालीको धनगढीमा मोटरसाइकललाई ठक्कर दिएर एक जना फरार भएका छन्।

हिजो(शनिवार) धनगढी उपमहानगरपालिका–७ बेलीको जंगलमा धनगढी–१४ का सुरेश लामिछानेले चलाएको से ५ प १७१३ नम्बरको मोटरसाइकललाई ठक्कर दिएर अर्का मोटरसाइकल चालक फरार भएका छन्।

सुरेशको हात, खुट्टा र टाउकोमा चोट लागेको छ। उनको सेती प्रादेशिक अस्पतालमा उपचार भइरहेको छ। ठक्कर दिएर फरार रहेका अर्का चालको परिचय तथा मोटरसाइकलको नम्बर भने नखुलेको प्रहरीले जनाएको छ।