धनगढीमा एक लाख पुरस्कारको ब्याडमिन्टन प्रतियोगिता हुने
धनगढी : धनगढीमा एक लाख पुरस्कारको ब्याडमिन्टन प्रतियोगिता हुने भएको छ। ॐ श्रीनगर स्पोर्टस् क्लबले धनगढीमा ब्याडमिन्टन प्रतियोगिता आयोजना गर्ने भएको हो।
दीपालीको अवसरमा ओपन मेन्स डबल्स र बी लेभल ओपन मेन्स डबल्स ब्याडमिन्टन प्रतियोगिता आयोजना गरिने क्लबले बताएको छ। कार्तिक २२ देखि २४ गतेसम्म सुदूरपश्चिम प्रदेश प्रहरी कार्यालयको हलमा उक्त प्रतियोगिता हुने क्लबका अध्यक्ष प्रेमप्रकाश रेग्मीले बताए।
प्रतियोगितामा ए लेभल ओपन मेन्स डबल्समा प्रथम हुनेले एक लाख नगद, ट्रफी र प्रमाणपत्र प्राप्त गर्नेछ। यस्तै दोस्रो हुने टिमले ५० हजार हजार नगद, ट्रफी र प्रमाणपत्र प्राप्त गर्नेछ भने तेस्रो हुनेले २५ हजार नगद, ट्रफी र प्रमाणपत्र प्राप्त गर्नेछ।
प्रतियोगितामा बी लेभल ओपन मेन्स डबल्समा प्रथम हुनेले ५० हजार, ट्रफी र प्रमाणपत्र प्राप्त गर्नेछ। यस्तै दोस्रो हुने टिमले ३० हजार नगद, ट्रफी र प्रमाणपत्र प्राप्त गर्नेछ भने तेस्रो हुनेले १० हजार नगद, ट्रफी र प्रमाणपत्र प्राप्त गर्नेछ।
प्रतियोगिताको तयारी जारी रहेको आयोजक क्लबले जनाएको छ। ए लेभलका लागि अन्तराष्ट्रिय तथा राष्ट्रिय खेलाडीहरुको सहभागिता रहने आयोजकको अपेक्षा छ। टाढाका खेलाडीलाई धनगढीमा प्रतियोगिताभर खानेबस्ने व्यवस्था समेत मिलाइएको अध्यक्ष रेग्मीले जानकारी दिए।
