धनगढीको ६ लेनमा मोटरसाइकलको ठक्करबाट २ बाच्छा मरे

धनगढी : कैलालीको धनगढीस्थित ६ लेन सडकमा मोटरसाइकलको ठक्करबाट दुई बाच्छा मरेका छन्। धनगढी–अत्तरिया ६ लेन सडकको मोहनपुरमा मोटरसाइकलले ठक्कर दिदा दुई गाईका बाच्छो मरेका हुन्।

जिल्ला आपत्कालीन कार्य सञ्चालन केन्द्र, कैलालीले धनगढी उपमहानगरपालिका–१३ मोहनपुरमा सुदूरपश्चिम प्रदेश ०१–००९–प १८८४ नम्बरको मोटरसाइकलको ठक्करबाट दुई बाच्छा मारेका जनाएको छ। दुई गाई घाइते भएका छन्। मोटरसाइकल चालकको धनगढीस्थित माया मेट्रो अस्पतालमा उपचार हुँदैछ।