धनगढीका सडकमा किसान पराल सुकाउदै

धनगढी : कैलालीको धनगढीका सडकमा किसानले पराल सुकाउन थालेका छन्। धनगढी उपमहानगरपालिका–१२ का किसानले कालोपत्र गरिएका सडकहरूमा पराल सुकाउने गरेका हुन।

किसानले सडक भरि धान काटेर चुटेपछिको पराल सुकाउन थालेपछि सवारी दुर्घटना हुने गरेका छन। शुक्रवार मात्र अनुक भण्डारीले चलाएको से ४ प ५७७९ नम्बरको मोटरसाइकल दुर्घटना भएको छ। भण्डारीको खुट्टा र हातमा चोट लागेको छ। वडा कार्यालयले सडकमा पराल नसुकाउन सूचना नै जारी गरेको भएपनि किसानले अटेरी गरेका हुन।