कैलालीमा करेन्ट लागेर एक जना घाइते

धनगढी : कैलालीमा करेन्ट लागेर एक जना घाइते भएका छन्। जिल्लाको गौरीगंगा नगरपालिका–३ शिवगंगा खोलामा करेन्ट लगायर माछा मार्ने एक जना घाइते भएका हुन्।

शिवगंगा खोलामा करेन्ट लगायर माछा मार्ने १८ वर्षीय राजेश राजी घाइते भएका छन। गौरीगंगा नगरपालिका–३ राजी टोलका १८ वर्षीय राजेश राजी, २० वर्षीय जय राजी, १३ वर्षीय दिपेश राजी, १७ वर्षीय उपेन्द्र राजीसहितका पाँच जनाको समूह माछा मार्न खोलामा गएको थियो। सोही क्रममा राजेश करेन्ट लागेर घाइते भएका हुन। उनको चौमालामा रहेको डिके अस्पतालमा उपचार भएको जिल्ला आपत्कालीन कार्य सञ्चालन केन्द्र, कैलालीले बताएको छ।