यी हुन् कैलालीमा जुवाखालबाटै पक्राउ परेका १० जना
धनगढीः कैलालीमा १० जना जुवाडे पक्राउ परेका छन्।
जिल्लाको लम्किचुहा नगरपालिका–१ थकालीस्थित एउटा बाँझो घरमा जुवा खेलिरहेको अवस्थामा प्रहरीले नगदसहित १० जनालाई जुवाखालबाटै पक्राउ गरेको हो। इलाका प्रहरी कार्यालय लम्कीबाट प्रहरी निरीक्षक दीर्घबहादुर साउँदको कमाण्डमा खटिएको प्रहरी टोलीले शुक्रबार विहान नगद १८ हजार ९४५ र चार गड्डी ताससहित १० जनालाई नियन्त्रणमा लिएको छ।
लम्की चुहान नगरपालिका–१ का ३० वर्षीय राजुु थापा, सोहि स्थानका ३३ वर्षीय महेश आचार्य, ५० वर्षीय जयरुद्र न्यौपाने, ४५ वर्षीय रत्न सन्ज्याल, ४८ वर्षीय अलबहादुर बम, ४४ वर्षीय पुुष्कल हमाल, २४ वर्षीय प्रबिन बिष्ट, २८ वर्षीय हिक्मत भण्डारी, १९ वर्षीय गणेश बिसी र बाजुराको स्वामिकार्तिक गाउँपालिका–२ का २० वर्षीय राजेश कटेललाइ जुवाखालबाटै नियन्त्रणमा लिएको जिल्ला प्रहरी कार्यालय कैलालीका प्रवक्ता एवं प्रहरी नायव उपरीक्षक कविन्द्रसिंह बोहराले बताए।
