प्रधान सेनापति र भारतीय राजदूतबीच भेटघाट

काठमाडौँः नेपाली सेनाका प्रधान सेनापति अशोकराज सिग्देल र नेपालका लागि भारतीय राजदूत नवीन श्रीवास्तवबीच जंगी अड्डामा भेटघाट भएको छ।

जनसम्पर्क तथा सूचना निर्देशनालय जंगी अड्डामा शुक्रवार सिग्देल र श्रीवास्तवबीच भेटघाट भएको हो। प्रधान सेनापतिको कार्यकक्षमा भएको उक्त भेटघाटमा दुई पक्षीय आपसी हित तथा पारस्परिक सम्बन्धका विषयमा छलफल भएको थियो।

यस किसिमको भेटघाटले दुई देश बिच रही आएको सम्बन्ध थप सुमधुर एवं प्रगाढ बनाउन मद्दत पुग्ने विश्वास लिएको नेपाली सेनाले जनाएको छ।