खुकुरी प्रहार गरेर आफ्नै श्रीमतीको हत्या

पोखराः खुकुरी प्रहार गरेर एक जनाले आफ्नै श्रीमतीको हत्या गरेका छन्।

पोखरा महानगरपालिका–८ कुँवर टोलमा डेरा गरी बस्ने अन्नपूर्ण गाउँपालिका–१ नौडाँडाका ४२ वर्षीय जहरसिंह कुँवरले आफ्नो श्रीमतीको हत्या गरेका हुन। उनलाई आफ्नै श्रीमती ४० वर्षीया राधिका कुँवरको हत्या गरेको अभियोगमा बुधबार दिउँसो प्रहरीले पक्राउ गरेको छ।

जहरसिंहले विवादको क्रममा खुकुरी प्रहार गर्दा गम्भीर घाइते भएकी राधिकाको पश्चिम क्षेत्रिय अस्पतालमा उपचारको क्रममा मृत्यु भएको हो। उनलाई वडा प्रहरी कार्यालय बैदामबाट खटिएको प्रहरीले पक्राउ गरेको हो। घटनाका बारेमा थप अनुसन्धान भइरहेको प्रहरीले जनाएको छ।