दार्चुलामा खैरो हेरोइनसहित दुई युवक पक्राउ

दार्चुलाः दार्चुलामा खैरो हेरोइनसहित दुई जना युवक पक्राउ परेका छन्।

जिल्लाको शैल्यशिखर नगरपालिका–९ गोकुलेश्वरबाट उनीहरुलाई प्रहरीले पक्राउ गरेको हो। शैल्यशिखर नगरपालिका–९ का रामबहादुर चन्द र लेकम गाउँपालिका–२ का सन्तोष जोशी खैरो हेरोईनसहित पक्राउ परेका हुन्।

सन्तोषको कोठाबाट ४ सय मिलिग्राम खैरो हिरोईनसहित उनीहरुलाई नियन्त्रणमा लिइएको जिल्ला प्रहरी कार्यालयका सूचना अधिकारी ज्ञानेन्द्रबहादुर सिंहले बताए। गत शुक्रवार मात्रै गोकुलेश्वरबाट तीन जनालाई ९ सय ८० मिलिग्राम खैरो हिरोईनसहित पक्राउ गरिएको थियो।