माओवादी केन्द्रको स्थायी समिति बैठक आजदेखि

काठमाडौंः नेपाल कम्युनिष्ट पार्टी (माओवादी केन्द्र) को स्थायी समितिको बैठक आजदेखि बस्दैछ।

समसामयिक राजनीतिक परिस्थिति,विगतको समीक्षा र पार्टी निर्माणबारे छलफल गर्न बैठक अपराह्न ४ बजे पार्टीको केन्द्रीय कार्यालय पेरिसडाँडामा बस्ने भएको हो। बैठकमा यसअघि पार्टीको भूमिकाको समीक्षा गर्दै आगामी कार्ययोजनाका बारेमा छलफल हुने माओवादी केन्द्रका उपाध्यक्ष एवं प्रवक्ता अग्निप्रसाद सापकोटाले जानकारी दिए।

उनका अनुसार  बैठकमा जनपरिचालन, सङ्गठन निर्माण र विस्तारका बारेमा पनि छलफल हुनेछ। आजै बिहान ११ बजे माओवादी केन्द्रको कार्यालय बैठक बस्दैछ। उक्त बैठकले स्थायी समितिका बैठकका ‘एजेण्डा’ तय गर्ने पार्टीले जनाएको छ।