धनगढीको सितल डेरीलाई अन्तिम चेतावनी

धनगढीः कैलालीको धनगढीमा रहेको सितल डेरीमा दोश्रो पटक अखाद्य दुध फेला परेको छ।

धनगढी उपमहानगरपालिका, खाद्य व्यवस्था तथा गुण नियन्त्रण कार्यालय तथा वडा प्रहरी कार्यालयको सयुंक्त अनुगमनका क्रममा सितल डेरीमा दोश्रो पटक अखाद्य दुध फेला परेको हो। धनगढी उपमहानगरपालिका–१ नगरपालिका रोडमा रहेको सितल डेरीमा खुल्ला पानीमा दुधको भाँडो राखेको पाइएको थियो।

अनुगमन समिति सदस्य रमेश मल्लले गत आर्थिक बर्ष अनुगमनका क्रममा सो डेरीबाटै एक सय लिटर अखाद्य दुध जफत गरीएको बताएका छन्। अनुगमन समितिले यस पटक सोही डेरीमा १० लिटर दुध खुल्ला भाँडोमा राखेको फेला पारेको हो। दुधका साथै लड्डु बनाउन तयार पारिएको पिठोमा समेत कैफियत भेटिएको छ। लड्डु बनाउन तयार पारिएको पिठोमा समेत कलर मिसाएको पाइएपछि सितल डेरीबाट २० किलो पिठो बरामद गरेर नष्ट गरिएको छ।