एयर इण्डियाले बन्द गर्यो इजरायलका उडान
एजेन्सीः इरानमा हमासका शीर्ष नेता इस्माइल हानियाको हत्यापछि पश्चिम एसियामा तनाव उत्कर्षमा पुगेको छ।
इरानले हानियाको मृत्युको बदला लिन इजरायलमाथि आक्रमण गर्ने धम्की दिएको छ। इजरायल उच्च सतर्कतामा छ। यस्तो अवस्थालाई मध्यनजर गर्दै भारतीय वायुसेवा कम्पनी एयर इन्डियाले भारत र इजरायलको राजधानी तेल अवीवबीचको उडान सेवा बन्द गर्ने निर्णय गरेको छ। एयर इन्डियाले एक विज्ञप्ति जारी गर्दै अगस्त ८ सम्म सेवा बन्द गर्ने घोषणा गरेको छ।
एयर इन्डियाले भनेको छ, ‘पश्चिम एसियाको अवस्थालाई ध्यानमा राख्दै हामीले तेल अवीवमा प्रस्तावित उडान तत्काल प्रभावबाट रोक्ने निर्णय गरेका छौँ। तेल अभिभबाट आउने र यहाँबाट तेल अवीव जाने हवाई सेवाहरू हाल अगस्ट ८, २०२४ सम्म बन्द हुनेछन्। हामीले स्थितिको निरन्तर निगरानी गरिरहेका छौँ।’
बुधवार इरानमा हमासका शीर्ष नेता इस्माइल हानियाको हत्या भएको थियो। हमासले यसका लागि इजरायललाई दोष दिएको छ। योसँगै इरानले पनि इजरायललाई आक्रमण गर्ने धम्की दिएको छ। यसको जवाफमा इजरायलले पनि इरानलाई कडा जवाफ दिने बताएको छ।
इस्माइल हानियाको मृत्यु हुनुभन्दा एक दिन अघि, लेबनानको बेरुतमा इजरायली आक्रमणमा एक शीर्ष हिजबुल्लाह कमाण्डर मारिएका थिए। जसमा हिजबुल्लाहले इजरायलले बदला लिने धम्की दिएको छ। हिजबुल्लाहले इजरायलमा रकेट आक्रमण समेत सुरु गरेको छ।
