धनगढीको दिनेश अटोमोटिभ्समा बजाजको एन १५० मोडेल बाइक सार्वजनिक
धनगढी: कैलालीको धनगढीमा रहेको दिनेश अटोमोटिभ्सले बजाज कम्पनीको एन १५० मोडेलको मोटरसाइकल सार्वजनिक गरेको छ। कम्पनीले शुक्रवार नयाँ मोडेलको बाइक औपचारिक रुपमा बिक्री गर्न सुरू गरेको हो।
दिनेश अटोमोटिभ्सका उप-महाप्रबन्धक तेज बमले युवाहरूलाई लक्षित गरेर कम्पनीले नयाँ मोडेलको बाइक बजारमा ल्याएको बताए। पूर्ण डिजिटल र विभिन्न रङमा उपलब्ध एन १५० मोटरसाइकलको बजार मूल्य ३ लाख ५९ हजार ९ सय रहेको बमले बताए।
खरिद गर्न चाहने व्यक्तिलाई ५० प्रतिशत डाउनपेमेन्टमा ३६ महिनाका लागि मासिक ५ हजार ९८० रुपैयाँ किस्तामा मोटरसाइकल बिक्री गर्न सकिने कम्पनीको योजना रहेको छ।
यस्तै,मोटरसाइकलको इन्जिनको वारेन्टी पाँच वर्षको छ भने ब्याट्रीको १ वर्ष र सकरको ६ महिना वारेन्टी रहेको बमले बताए। नयाँ मोटरसाइकलको अगाडि र पछाडि ब्रेक छ भने एलइडी हेडलाइट, डिजिटल मिटर, मोबाइल कनेक्ट र चार्ज गर्ने सुविधा समेत रहेको छ।
मोटरसाइकलको टंकीको क्षमता १४ लिटर तथा सिङ्गल ह्यान्डिल भएकाले मोड्न सजिलो हुने दाबी गरिएको छ। नयाँ मोटरसाइकलले ४५-५० किलोमिटर माइलेज दिने दाबी कम्पनीले गरेको छ।
![nast](https://dineshkhabar.com/sites/default/files/WhatsApp Image 2024-09-05 at 10.58.57 AM.jpeg)
![Sonalika](https://dineshkhabar.com/sites/default/files/Sonalika-Tractors-ko-web-banner-giff.gif)
![zeroo (add)](https://dineshkhabar.com/sites/default/files/PHOTO-2024-09-02-13-25-33.jpg)