कैलालीमा हावाहुरीका कारण विभिन्न ठाउँमा क्षती, ७ जना घाईते

कैलालीमा हावाहुरीका कारण विभिन्न ठाउँमा क्षती भएको छ। हावाहुरी र संगै परेको चट्याङका कारण ७ जना घाईते भएका छन्। जिल्लाको गौरीगंगा नगरपालिका वडा नम्वर ११ का धनीराम चौधरीको घर नजिकै सिमलको रुखमा चट्याङ पर्दा ४ जना घाईते भएका छन्। धनीरामका छोरा नरी चौधरी, छोरी अस्मिता, श्रीमती धनीयादेवी र आमा लक्ष्मी चौधरी घाईते भएका हुन्। उनीहरु सबैको घोडाघोडी अस्पतालमा उपचार भईरहेको छ। 

यस्तै कैलारी गाउँपालिका वडा नम्वर ४ के गाउँकी उखाली चौधरीको चार काठे एक तले घरको छाना उडाउँदा चौधरी आँफै घाईते भएकी छिन्। उनको सेती अस्पतालमा उपचार भईरहेको छ। यस्तै वडा नम्वर ४ कै खल्लाचोककी मञ्जु चौधरीको घर नजिकै रहेको विजुलीको पोल ढल्दा उनी आँफै घाईते भएकी छिन भने उपचार आखा अस्पताल गेटामा भईरहेको जिल्ला प्रहरी कार्यालय कैलालीका प्रहरी निरिक्षक प्रकाश डाँगीले बताए।

यस्तै कैलारी गाउँपालिका ६ बहुलीयाका विरवहादुर चन्दको २ तल्ले टिनले छाएको कच्चि घर हावाले उडाउँदा उनीकी श्रीमती देवी चन्द घाईते भएकी छिन्। चन्दको सेती अञ्चल अस्पतालमा उपचार भईरहेको छ।