मोहनापुल–अत्तरिया ६ लेन सडक खुल्यो

मोहनापुल–अत्तरिया ६ लेन सडक निर्माणमा भईरहेको ढिलाई र पानी नहाल्दा सास्ती खेप्नुपरेको भन्दै आन्दोलित भएका स्थानीयले आन्दोलनका कार्यक्रम फिर्ता लिएका छन्। सडक आयोजना कार्यालय र निर्माण व्यवसायीले निर्माण कार्यलाई निरन्तरता दिदै पानी हाल्ने सहमती गरेपछि स्थानीयले आन्दोलनका कार्यक्रम फिर्ता लिएको  ६ लेन सडक आयोजनका कार्यालयका इन्जिनीयर खगेन्द्र शाहीले जानकारी दिए।

उक्त सहमतीपछि यातायात सेवा सुचारु भएको छ। यसअघि ६ लेन सडकको ठेक्का नम्बर एकमा विगत चार दिनदेखि काम नभएको र पानी समेत नहाल्दा धुलोले हैरान बनाएको भन्दै सडक बन्द गरेका थिए। सडक निर्माणमा भएको ढिलाईकै कारण उड्ने धुलोले जनजीवन अस्तव्यस्त हुँदा समेत सम्बन्धीत निकायले वेवास्ता गरेको भन्दै ६ लेन सडकको शहिद गेट नजिकै स्थानीयले बन्द गरेका थिए। ६ लेन सडक बन्द गरिएपछि सवारी साधनहरु शिवपुरी धाम हदै सञ्चालन गरिएपनि  शिवपुरी धाम र तुलसी चौकको बिचमा रहेको सडकमा पनि स्थानीयले खाल्डो खनेर सडक अवरुद्ध गरेका थिए। स्थानीयले उक्त बाटो भएर यातायातका साधन चल्न थालेपछि धुलोले समस्या पारेको भन्दै सडक बन्द गरेको थिए।