बझाङमा बँदेलको आक्रमणबाट दुई जना  घाइते

बझाङः बझाङमा बँदेलको आक्रमणबाट दुई जना घाइते भएका छन्।

जिल्लाको जयपृथ्बी नगरपालिका–६ नैराका १७ वर्षीय सुन्दर आग्री र ६१ वर्षीया खीन्ता आग्री बँदेलको आक्रमणबाट  घाइते भएका हुन। उनीहरुलाई सोहि पालिकाको ६ नम्बरमा रहेको  सशस्त्र ब्यारेक नजिकै जंङ्गलमा  गोरुबाख्रा  चराइरहेका बेला बँदेलले आक्रमण गरेको थियो।

आक्रमणबाट घाइते भएका किशोरको जिल्ला अस्पताल बझाङमा उपचार भइरहेको छ। महिलालाई भने थप उपचारका लागि जिल्ला अस्पतालले धनगढी रेफर गरेको जिल्ला प्रहरी कार्यालय बझाङले जनाएको छ।