लागुऔषध मुुद्धामा फरार रहेकी एक युवतीसहित दुुई जना पक्राउ

कञ्चनपुरः कञ्चनपुरबाट लागुऔषध मुुद्धामा फरार रहेकी एक युवतीसहित दुुई जना पक्राउ परेका छन्।

जिल्लाको भीमदत्त नगररपालिका–१३ बुद्दचोकबाट अवैध लागुुऔषध खैरो हेरोइन २ सय ८० मिलिग्राम र चरेस २ सय ६० मिलिग्रामसहित २ जनालाई सोमवार दिउँसो प्रहरीले पक्राउ गरेको हो। पक्राउ पर्नेहरूमा शुक्लाफाटा नगरपालिका–१ बन्साहकी २३ वर्षीया यसोधा राना र कैलालीको गोदावरी नगरपालिका–२ का २२ वर्षीय राजु औजी रहेका छन्।

जिल्ला अदालत कञ्चनपुरले रानालाई २०८० जेठ ५ गते लागुऔषध मुद्दामा पक्राउ आदेश जारी गरेको थियो। फरार रहेकी रानालाई पक्राउ गर्ने क्रममा उनकै कोठाबाट उक्त लागुऔषधसहित राजुलाईसमेत पक्राउ गरेको हो। यस सम्बन्धमा प्रहरीले आवश्यक अनुसन्धान गरिरहेको छ।