गोदावरीमा चोरी मुद्दामा फरार सुमन पक्राउ

धनगढीः चोरी मुद्दामा फरार रहेका एक जना पक्राउ परेका छन्।

कैलालीको गोदावरी नगरपालिका–३ का सुमन ताम्राकार शुक्रवार पक्राउ परेका हुन्। जिल्ला अदालत कैलालीले चोरी मुद्दामा ५ दिन कैद र एक लाख ५० हजार रुपैयाँ जरिवाना तोकेको थियो।

तर उनी फरार भएका थिए। उनलाई अस्थायी प्रहरी पोष्ट चौकीडाँडाबाट खटिएको प्रहरी टोलीले नियन्त्रणमा लिएको हो।