बझाङको एक होटेल र खुद्रा पसलमा आगलागी

बझाङः बझाङको एक होटेल र खुद्रा पसलमा आगलागी भएको छ।

बिथ्थडचिर गाउँपालिका-९ बागथला स्थित भानबहादुर बिष्टले संचालन गरेको होटेल र खुद्रा पसलमा आईतवार राति आगलागी भएको हो। आगलागी हुँदा उक्त होटेल र पसल भित्र रहेका सामान जलेर नष्ट भएको छ।

आगलागीबाट भएको क्षतिको विवरण आउन बाँकी रहेको जिल्ला प्रहरी कार्यालय बझाङका सूचना अधिकारी तथा प्रहरी निरीक्षक दिपेश चौधरीले बताए। उक्त आगलागी प्रहरी र स्थानीयको सहयोगमा नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको चौधरीले जानकारी दिए।