तेस्रो मुख्यमन्त्री भलिबलमा विभागीय टोलीको दबदबा

कञ्चनपुरः कञ्चनपुरको महेन्द्रनगरमा जारी तेस्रो सुदुरपश्चिम मुख्यमन्त्री कप पुरुष भलिबल प्रतियोगितामा बुधवार चौँथो दिनको खेलमा पनि विभागीय टोलीले दबदबा कायम राखेका छन्।

विभागीय टोली नेपाल पुलिस क्लव, एपीएफ र त्रिभुवन आर्मी क्लबसँगै गण्डकी प्रदेश विजयी भएका छन्। प्रतियोगिताको चौँथो दिनको पहिलो खेलमा नेपाल पुलिस क्लवले कोशी प्रदेशलाई २५–१३, २५–१३ र २५–२० को सोझो सेटमा पराजित गरेको हो।

दोस्रो खेलमा एपीएफले आयोजक सुदूरपश्चिम प्रदेशलाई २५–१७, २५–१३ र २७–२५ ले पराजित गरेको हो। यसैगरि त्रिभुवन आर्मी क्लवले लुम्बिनी प्रदेशलाई २५–२०, २५–८ र २५–१७ ले पराजित ग¥यो। गण्डकी प्रदेशले कर्णालीलाई २५–१८, २५–१८ र ३२–३० ले पराजित गरेको हो। माघ १४ देखि सुरु भएको प्रतियोगिता २० गतेसम्म चल्नेछ। प्रतियोगितामा ३ विभागीयसंगै ७ प्रदेशका गरि १० टिमको सहमागीता रहेको छ।