फागुन ५ बाट श्री कलेज धनगढी कप फुटबल प्रतियोगिता हुने
![](https://dineshkhabar.com/sites/default/files/styles/row_list/public/field/image/game%202.jpeg?itok=tpU-eVlM)
धनगढीः धनगढीमा श्री कलेज कप फुटबल प्रतियोगितामा हुने भएको छ।
लिटिल फ्लावर स्पोर्टस क्लब धनगढीको आयोजना र श्री कलेज अफ म्यानेजमेन्ट काठमाडौँको मुख्य प्रायोजनमा बुधवार पत्रकार सम्मेलन गर्दै प्रतियोगिता हुने आयोजकले जानकारी गराएको हो। प्रतियोगिता फागुन ५ गतेबाट फागुन १२ गते सम्म धनगढी रंगशालामा सञ्चालन हुने छ। प्रतियोगितामा कक्षा १२ सम्म पढाइ हुने विद्यालय र कलेजहरुले सहभागीता हुन पाउने लिटिल फ्लावर स्पोर्टस क्लबका अध्यक्ष रामचन्द्र शाहीले बताए।
प्रतियोगिताको विजेताले नगद ५० हजार र उपविजेताले नगद २५ हजार साथै मेडल , ट्रफी र प्रमाणपत्र प्राप्त गर्नेछन, भने प्रतियोगिताको सर्वोत्कृष्ट खेलाडीले नगद ६ हजार, उत्कृष्ट गोलकिपरले नगद ३ हजार, उदयमान खेलाडीले नगद ३ हजार र प्रत्येक खेलको प्लेयर अफ द म्याचले नगद ५ सयका साथै मेडल, ट्रफी र प्रमाणपत्र प्राप्त गर्ने लिटिल फ्लावर स्पोर्टस क्लबका अध्यक्ष शाहीले बताए। प्रतियोगितामा कुल ११ लाख खर्च हुने अनुमान गरिएको र १६ ओटा टिमको सहभागीता रहने आयोजकले जनाएको छ।
![nast](https://dineshkhabar.com/sites/default/files/GIF_20240817_081752_058.gif)
![Sonalika](https://dineshkhabar.com/sites/default/files/Sonalika-Tractors-ko-web-banner-giff.gif)
![zeroo (add)](https://dineshkhabar.com/sites/default/files/456423139_541782204985733_4411965831574763754_n.jpg)