झण्डै डेढ लाख नगदसहित कञ्चनपुरबाट ६ जुवाडे पक्राउ

कञ्चनपुरः झण्डै डेढ लाख नगदसहित कञ्चनपुरबाट ६ जना जुवाडे पक्राउ परेका छन्।

भीमदत्त नगरपालिका–३ जामिरगडाबाट ६ जना जुवाडे नगदसहित पक्राउ परेका हुन्। शनिबार साँझ ३३ वर्षीय भवानीसिंह बुढासहितका ६ जनालाई वडा प्रहरी कार्यालय, महेन्द्रनगरले पक्राउ गरेको हो। उनीहरूको साथबाट एक लाख ४२ हजार ६ सय ४५ रुपैयाँ र ६ गड्डी ताससमेत बरामद गरिएको प्रहरीले जनाएको छ। 

जुवाखालबाट पक्राउ पर्नेमा भीमदत्त नगरपालिका–९ का भवानीसिंह बुढा, भीमदत्त नगरपालिका–६ का खेमराज लेखक, भीमदत्त नगरपालिका–२ का लालबहादुर चौधरी, भीमदत्त नगरपालिका–४ का दामोदर भट्ट, भीमदत्त नगरपालिका–१० का सुरज भट्ट र दोधारा–चाँदनी नगरपालिका–४ का सुनिल विक रहेको प्रहरीले जनाएको छ।